İranın Naxçıvan aeroportuna edilən dron hücumu ilə əlaqədar olaraq hava limanına yaxın məktəblərdə təxliyənin olub-olmadığı maraq doğurur.
Naxçıvan Muxtar Respublikası Təhsil Nazirliyi -ın sorğusuna cavab olaraq bildirib ki, məktəblərdə təxliyə həyata keçirilməyib.
Nazirlikdən verilən məlumata görə, bəzi valideynlər arasında panika yaşanıb və onlar övladlarını məktəblərdən aparmağa çalışıblar.
"Aeroportun yaxınlığında yerləşən Şəkərabad məktəbində təxliyənin olacağı deyilsə də, bu baş verməyib", - deyə nazirlikdən qeyd edilib.
Xatırladaq ki, bundan əvvəl Report agentliyi də Naxçıvan aeroportuna dron hücumu ilə əlaqədar olaraq ərazidəki məktəblərdə tədrisin dayandırıldığını və müəllim-şagirdlərin təxliyə edildiyini bildirmişdi.
Naxçıvan Muxtar Respublikası Təhsil Nazirliyi isə Report-un sorğusuna cavab olaraq ərazidəki iki məktəbin boşaldıldığını təsdiqləmişdi.
Nazirlik bu qərarın pedaqoji heyətin və şagirdlərin təhlükəsizliyini təmin etmək məqsədilə qəbul edildiyini vurğulamışdı.